Joxemari Mañueko azokako langileak eman dizkio ikastetxeari. Hezkuntza komunitateak jasotako materialagatik eskerrak eman dizkio.
Erniobea BHIak liburu eta DVDak jaso ditu dohaintzan. Joxemari Mañueko Villabonako azokako langileak eman dizkio ikastetxeari oparitan, berrerabili ditzan.
Hasiera batean Villabonako Harrera Sarera bideratu nahi zituen Mañuekok liburu eta DVDak, baina eskolan probetxu gehiago aterako dietelakoan hara bideratu ditu. «Ilusio handia egin dit eskola publikoan erabiliko direla jakiteak», adierazi du Mañuekok.
Erniobea BHIko komunitatea osatzen dutenek eskerrak eman dizkiote azokako langileari.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!