Urriaren 31n bukatuko da Villabonako Udalak 2024rako aurreikusita dituen euskara diru laguntzetarako eskaerak aurkezteko epea. Diru laguntza horiek euskara ikasteagatik, establezimenduetako errotuluak euskaraz jartzeagatik eta webguneak euskaraz egiteagatik banatuko dituzte.
Eskaerak HAZ Herritarren Arreta Zerbitzuan edo erregistro elektronikoaren bitartez aurkeztu ahal izango dira. Informazio gehiago nahi duenak 943 69 21 00 telefonoan, 3329 luzapenean, edo euskara@villabona.eus helbide elektronikoan eskuratuko du.