Villabonako Irrintzi elkarteak antolatutako 29. Azoka Bereziak eta Isats Gisatuaren Lehiaketak hartuko dute larunbatean Erreboteko plaza, 09:30etik aurrera.
Artisautza eta elikagai postuak egongo dira 09:30etik 14:00ak arte eta, aldi berean, Isats Gisatu Lehiaketa egingo dute. Elkarteetan egingo dituzte isatsak eta eguerdirako eramango dituzte plazara, epaimahaiaren aurrean jartzeko. Iaz bost elkartek hartu zuten parte, eta Behar Zana elkarteak irabazi zuen. Horrez gain, Irrintzi elkarteak Etxebeste ekoizleak, Sojonatura eta Sarrikola ogitegiaren postuak saritu zituen.