Final-laurdenetako lehenengo partida gaur jokatuko da

Ataria 2024ko uzt. 9a, 11:10

Partidaz partida iritsi da XII. Antton Pebet Oroimenezkoa - Santio Txapelketaren azken fasera.

Behar Zana elkarteak antolatzen du txapelketa, eta «Euskal herri osoko eta Errioxako esku pilotari onenak» ikusi ahal izan dira Villabonako pilotalekuan azaldu dutenez. Datozen partidak ere «bikainak» izatea espero dute, eta orain arteko jaialdi guztietan ikusleen emana «oso handia» izan denez, «oso pozik» daudela diote. Gaur jokatuko da final-laurdenetako lehen partida eta etzi izango dira beste hirurak.

Gaurko partida 18:30ean hasiko da, eta Igoa-Irazustabarrena (Tolosa-Intxurre) eta Azketa-Elizegi (Tartaloetxe) ariko dira nor baino nor. Etziko jaialdia, ostegunean, 17:00etan hasiko da, eta hiru partida jokatuko dira: Canabal-Garmendia (Oberena-Lapke) eta Rekalde-Bullon (Txumuluxueta); Arribillaga-Roldan (Lagunak-Barañain) eta Irribarria-Oliden (Lapke); eta Karregal-Aranguren (Adiskide-Eple) eta Landa-Alduntzin (Zugarralde).

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!