Tolomendik bi saio antolatu ditu elikadura burujabetzaz, lehen sektorearen etorkizuneko erronkez, landa komunitateaz edota zaintzaz gogoeta egiteko. Lehen saioa pasa den hilaren 13an izan zen, Berastegin. Aritz Ganboa Nafarroako Sakanako bailaratik eta Iparraldeko Euskal Herriko Laborantza Ganbarako Iker Elosegik hartu zuten parte. Bigarren saioa bihar izango da, ostirala, 11:00etan, Amasako kultur etxean. Landa komunitateak, zaintza eta jarduera ekonomiko berriak hizketa-gai hartuta ariko dira Jaime Izquierdo asturiarra eta Raul Pilar Garces Olloko Gure Sustraiak Kooperatibako kidea.
Bi girotze saio horien ostean, udazkenean, Tolosaldeko Landa Komunitateen Garapenerako Programa egiten hasiko dira eskualdeko norbanako, elkarte eta udaletxeekin elkarlanean.