Amasako Arratzain baserriko zelaietan jokatu zen igandean Gipuzkoako Sega Sail Txapelketa, Gipuzkoako Herri Kirol Federazioak antolatuta, eta Julen Gabirondo izan zen irabazlea. Urnietarrak 1.000 metro karratuko saila txukun mozteko 34.58ko denbora behar izan zuen, eta atzetik sailkatu zen oso gertu Jokin Etxeberria amasarra, 35.17ko denborarekin. Mikel Lizartza tolosarra izan zen hirugarrena 39.23rekin, eta Iban Pardo zestoarrak laugarren amaitu zuen 46.41rekin.
Argazkiak: Gorka Emazabel/Gipuzkoako Herri Kirol Federazioa