Horien artean nabarmentzekoa da larunbat arratsaldean egingo den pilota jaialdia, hiru modalitatetan goi mailako emakumezko pilotariekin: zesta puntan, paleta larruz eta eskuz. Azken horretan Behar-Zanako Larrarte, Erasun eta Arrillaga ariko dira, Mendizabalekin batera.
Beste egitasmoetako bat Pilotalekuak II, atzo eta gaur izeneko erakusketa izango da. Gurea aretoko erakusketa gelan dago ikusgai, gaur 17:30etik 20:00etara, eta larunbatean 10:00etatik 13:30era.
EGITARAUA
Maiatzak 31, ostirala
17:00. Txupinazoa eta banderaren igoera, Behar Zana elkartean.
17:15. Bola tiraldia ume eta helduentzat eta buruhandi eta erraldoiak herriko kaleetan zehar.
18:30. Joko garbi txapelketa jubenil mailan, Behar Zana eta Kanbo. Ondoren, sagardo dastaketa, Berdura plazan.
Ekainak 1, larunbata
10:00. XI. Xake Txapelketa, elkartean.
Goizean zehar. Behar Zana pilota eskolako txapelketatxoaren ligaxkako azken partidak. Eskuz, paletaz eta joko garbian. Ondoren, pilota eskolako haurren bazkaria.
15:00. Behar Zana pilota eskolako haurren azken partidak. Finalak.
17:00. 78. urteurreneko pilota jaialdia.
20:15. Bazkide afaria.
23:15. Behar Zana danborrada.
Ekainak 2, igandea
09:00. Diana Loatzo musika eskolako Geronimo dultzaina taldearekin.
10:30. Behar Zana eta Kanboren arteko errebote partida.
14:30. Gonbidatuen bazkaria.