Babarrunak prestatzeko errezeta

Hika by Roberto Ruiz mahastiz inguratutako txakolin modernoko upategi bateko zaharberritze klasikoaren kontzeptua da.

Sukaldaritza onaren aldeko euskal kultura, tokiko eta hurbileko produktuetan oinarritua, paisaiaren sukaldaritzan, gure produktuei balio erantsia emanez elaborazio erraz, labur eta frankoekin. Euskal sukaldaritza tradizionala eta bere errezeta ugariak dira kartaren jatorria eta Tolosako babarruna da euren espezialitatea aspalditik. Hikak errezeta konpartitu nahi izan du gehigarri honetan:

Babarrunak eltze batean jarri, aurrez beratzen jarri gabe. Lau litro ur gehitu babarrun kilo bakoitzeko. Babarrunak prestatzeko zabala baino altuagoa den eltze bat aukeratu babarrunek toki nahikoa izan dezaten eta ez itsatsi edo hausteko.

Ur hotza jarriko dugu eta eskuzabalak izango gara oliba olioarekin. Babarrunak sutan jarri eta ez dugu sua jaitsiko irakiten hasi arte. Babarrunak utzi, ez mugitu eta ez sartu babarrunak puskatuko dituen tresnarik.

Eltzea heldulekuetatik hartu eta pixka bat mugituko dugu, kontu handiz. Horrela, ur gehiago behar duen ikusiko dugu. Ura gehitu behar bazaio hotza bota beti eta ez utzi egosiaren borbor txikiak apaltzen. Babarrunak eginda daudenean, gatza bota eta sutik atera, salda loditu dadin.

Ozpinetan ondutako Ibarrako piperrak aterako ditugu eta gatz lodia eta oliba olio pixka bat botako diegu.

Beasaingo odolki egosia jarriko dugu. Txerri iberikoaren urdaiari dagokionez xerra finak moztuko ditugu, urdaiazpikoa balitz bezala, eta ez dugu erabat hotz aterako, epelduko dugu. Eta azkenik, aza jarriko dugu, egosketa labur bat emango diogu eta baratxuri pixka batekin salteatuko dugu.

Aurkezpenerako: Piperrak txupito edalontzi batean jarriko ditugu, gatz eta olioarekin, eta plater batean urdaia, aza eta odolki egosia jarriko ditugu. Babarrunak aparte zerbitzatuko ditugu.