Azaroaren 17an kaleratuko du Habi taldeak Ohartu izeneko lan luzea. Aurretik Oinatzak kantua aurkeztu zuten eta orain bigarren abesti bat eman dute argitara: Lilura.
Bideokliparekin batera datorren kantua. Nagore Arin billabonatarrak zuzendu, grabatu eta muntatu du bideoa. Yeray Gascon eta Jon Ander Artola taldekideek Elkar estudioan grabatu dute disko berria Victor Sanchezen gidaritzapean. Sanchez arduratu da ekoizpenaz, grabazioaz, nahasketaz eta masterizazioaz. Lan osoa entzungai izango da azaroaren 17an.