Harituzek bertso saioa antolatu zuen atzo Villabonako Gurea antzokian, Tolosaldeko bertsozaleen elkargunearen 10. urteurreneko ospakizunen barruan. Maialen Lujanbio, Andoni Egaña, Oihana Iguaran, Sustrai Colina eta Anjel Mari Peñagarikano aritu ziren bertsotan Imanol Artola Felix-en esanetara. Bertso eskola giroan egin zuten saioa eta bertsozale ugari gerturatu zen bertara.
Harituz sortu aurretik Tolosaldean bertsolaritzan eragin zuten pertsonak ere gonbidatu zituzten oholtza gainera.
