Faltzes, Funes, Ordizia, Lazkao, Bera, Santakara, Lasarte, Uharte eta Amasa-Villabonako erraldoien konpartsek hartu dute parte estreinakoz antolatu duten Villabonako Erraldoien Topaketan. Eurekin batera, Lasarteko txarangak eta Giro Arte, Jeronimo eta Tolosako dultzaineroek hartu dute parte.
Goiz osoan zehar kalejiran aritu dira, eta herriko plazan eman diote amaiera kalejirari, konpartsa guztiak banan-bana sartuz, eta ondoren, guztiek batera dantzatuz. Herritar asko gerturatu dira ikuskizunaz gozatzera, eta bereziki txikienek gozatu ederra hartu dute.
Ondoren, konpartsetako kideak bazkarian elkartu dira.
