Azaroaren 4an Bilboko manifestaziora joatea eskatu dute

Ataria 2023ko urr. 7a, 16:00
Deskargatu Info Ahotsak :

Euskal Herrian Euskarazek antolatuta Euskaltzale independentisten topaketak egiten ari dira Villabonan. Egun osoko egitaraua prestatu dute. Goizean, Euskararen errepublika eraikiz mahai ingurua egin dute Gurea antzokian. Ondoren, Zornotzako zanpantzarren atzetik Ama Lurra plazara joan dira, ekitaldi politikoa egitera. Bertan, azaroaren 4an Bilbora joatearen garrantzia azpimarratu dute, euskararen aurkako oldarraldiari aurre egiteko.

Arratsaldeko egitaraua

  • Gaurkotasuneko eta interesa sor dezaketen gaien bueltan, sei tailer egingo dira. Hiru tailerrez osatutako bi txanda egingo dituzte beraz, norbanako bakoitzak bi tailerretan parte hartu ahal izango du.
  • Lehenengo txandako tailerrak (16:00-17:15): Kulturgintzaren transmisioa hezkuntzan, Euskaldunon aurkako erasoen aurrean, zer? eta Zein toki du euskarak intersekzionalitatean?.
  • Bigarren txandako tailerrak (17:30-18:45): Gazteok euskararen borrokan, Pantailak Euskaraz, ezinbesteko erronka eta Txispa batek sortzen du sugarra. Tokiko borrokak.
  • 19:00: Elektrotxaranga.
  • 22:00: Kontzertuak: Yogurinha Borova, Gora etorri eta DJa.  
Euskara Amasa-Villabona

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!