Ahalduntze Bertso Eskola Feministak bederatzigarren ikasturtea du eta urriaren 21ean hasiko ditu eskolak. Parte hartu nahi dutenek, irailaren 29rako eman beharko dute izena, Bertsozale Elkartean topatuko duten formularioa beteta.
Urriaren 21ean hasiko da ikasturtea. Hilean behin, larunbat goizez 10:00etatik 14:00etara izango dira saioak, urritik ekainera bitartean. Bi talde sortuko dira eta horietako bat Amasa-Villabonako Subijana etxean bilduko da, Euskal Herriko Bertsozale Elkartearen egoitza nagusian. Beste taldea Durangon bilduko da eta ikasturtean zehar bi taldeak batera biltzeko egunak ere jarriko dituzte.
Plazako bat-bateko jardunari begira trebatu nahi duten emakume* bertsolarientzat prestatu dute Ahalduntze Bertso Eskola Feminista. Matrikulak 150 euro balioko ditu eta izen emateko aukera izango da ikasturte osorako edo hiru hilabeteka. Informazio gehiago, 943 69 41 29 telefono zenbakian edo umorez@bertsozale.eus helbidean.