Urtero bezala, Santa Ana egunean konpartsa herrikoia egiten dute Amasa-Villabonako Santio jaien barruan. Aurten, Mexiko izan dute gai nagusi, eta Andalee, Santanita! izena jarri diote konpartsari. Txerminetik abiatu dira, eta Mexikoko musikarekin alaitu dituzte herriko kaleak. Dantzan eta abesten igaro dute goiza, eta ikustera gerturatu diren hainbat herritar ere festarekin bat egin dute.
Eguerdian bazkaria egin dute Onddo plazan, eta 17:00etan berriro eutsi diote konpartsa herrikoiari. Oraingo honetan Gauerdi txarangak alaituta. 19:30etan, Puro Relajo taldearen kontzertua izango da Erreboteko plazan.
Santio Jaietako egitarau osoa hemen ikusgai.