Eguraldia lagun izan ez duten arren, festak ez du etenik izan goiz guztian zehar. Izan ere, gaur Santio Eguna dute Amasa-Villabonan, eta ekintza ugari izan dituzte goiz osoan. Horien artean Loatzo Musika Eskolako Bandak Errebote plazan eskaini duen kontzertua izan da. Eguraldiagatik eserlekuak hutsik geratu badira ere, herritar ugari izan dira plazako arkupetan.
Bestetik, Oinkari dantza taldeak soka dantza egin du udal pilotalekuan. Sokara lotu dira hainbat herritar eta dantzan jardun dute, zapiari helduta.
Psycho-clown, gaueko perkusio emanaldi ibiltariak emango dio amaiera Santio Egunari, 23:30etan, Otsabiko parketik hasita.
Santio Jaietako egitarau osoa hemen ikusgai.