2023ko Santio jaien egitarauak badu azaleko irudia. Jai batzordeko kideek osatutako epaimahaiak Begoña Aranconen obra saritzea erabaki dute, aurkeztutako 24 proposamenen artean. 400 euroko saria jasoko du.
Aurten berrikuntza modura, lehiaketan boto gehien jaso dituen bigarren lana ere saritu dute, eta beraz, Irati Santiago billabonatarrak tablet bat jasoko du.
Amasa-Villabonako Kultura sailak eskerrak eman nahi dizkie parte hartzaile guztiei lehiaketan erakutsitako interesagatik, eta Amasa-Villabonako herritar guztiak animatu nahi ditu datorren urtean berriro egingo den lehiaketa honetan parte hartzera.