Datorren igandean, ekainak 18, mendi irteera egingo du Amasa-Villabonako Aizkardi Mendizale Elkarteak, Benasako arroilatik. Irteera 7:00etan izango da Olaederra kiroldegitik. Benasako arroilatik (370m) abiatuko dira San Kiriko (1181m), Illon Mendilerroa (1278m) eta Borregil (1424m) gailurrak igotzeko, abiapuntu berera itzuliz. 23 kilometro inguruko luzera du ibilbideak, eta iraupena 6 ordu ingurukoa izatea aurreikusten dute.
Izena emateko, 649 717 182 telefono zenbakira deitu behar da, 20:00etatik 22:00etara bitartean. Bestela, elkartearen egoitzan eman daiteke izena, ostegunean, hilak 15, ordutegi berdinean.