Giro ederrean egin da lasterketa luzea, 7,8 kilometrotakoa, eta guztira 40o lasterkari inguruk parte hartu dute.
Proba motzean, 2,5 kilometrokoan, adin guztietako 100 korrikalari inguru izan dira parte hartzen, eta sariak 14 urte azpikoen artean banatu dira. Mutiletan, lehenengoa Alluitz Markuleta izan da, bigarren Harriet Altuna (Iñigo Guridi presoaren izenean parte hartu du) eta hirugarren Urko Ugarte izan da. Nesketan, lehenengoa Irati Alberdi, bigarren Intza Sukia eta hirugarren Araitz Borda izan dira.
Lasterketez gain, egun osoko egitaraua antolatu dute. Esaterako, 450 pertsona elkartu dira bazkaltzeko eta ondorengo egitarauak horrelako jarraituko du:
- 16:00. Haurren txokoa Txermingo ikastolan.
- 17:30. Distopia elektrotxaranga.
- 17:30. Pilota partidak Bearzana pilotalekuan.
- 20:30. Kontzertuak Errebote plazan: XSakara, McOnak eta DJ Bull.