Billabona F.K.E. klubak antolatu duen VII. Manu Muriel Oroimenezkoa jokoan da Arratzain futbol zelaian. 16 alebin talde ari dira futbol txapelketa jokatzen egun guztian zehar.
Bazkaldu eta gero, dagoeneko martxan dute kanporaketen fasea. 18:30ak arte iraungo du. Ondoren, 18:40ean jokatuko da finala, eta 19:00etan izango da sari banaketa.
Txapelketarekin bat eginez, lore eskaintza izan da eguerdian Manu Muriel oroitzeko, eta lore sorta bat eman zaie bere familiakoei.
Horrez gain, sarrerarekin atera den dirua, 800 euro, Bizi Poza elkarteari eman dio Billabona F.K.E.-k, eta momentu hori argazki batekin irudikatu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!