Amasa-Villabonako udaleku irekietako begirale izateko bi baldintza bete behar dira: 18 urte izatea (edo 2023an betetzea) eta euskara ondo menperatzea.
Izena ematerakoan NAN-aren kopia bat, curriculuma eta ikasketa ziurtagiriak aurkeztu behar dira. Aisialdirako begirale edo zuzendari titulua izanez gero, hori ziurtatzen duen agiria ere erantsi behar da.
Dokumentazioa Udaleko Herritarren Arreta Zerbitzuan (udaletxeko beheko solairuan) aurkeztu behar da, ekainaren 2a baino lehen, astelehenetik ostiralera, 09:00etatik 14:00etara. Telematikoki egiteko aukera ere badago, udaleko erregistro elektronikoaren bitartez.
Argibide gehiagorako gazteria@villabona.eus helbidera idatzi edo 691 366 502 telefono zenbakira deitu behar da.