Lau jardunaldi geratzen dira denboraldia amaitzeko, eta une honetan, sailkapenean bigarren postuan dago Billabona FKE; larunbatean irabaziz gero, ohorezko kadete mailara igoko da Villabonako taldea.
Aurrez, 16:00etan hasita, erregional mailako taldeak derbia jokatuko du Zizurkilgo Danena taldearen aurka. Klubetik deialdi berezia egin nahi diete herritar eta zaleei bi taldeak animatzera gerturatzeko.
Futbol egokituko topaketa
Goizean, Kirol Egokituen Federazioak Billabona FKE-ren laguntzaz antolatuta, desgaitasuna duten zortzi urtetik gorako haur eta gazteei zuzendutako futbol egokituko topaketa egingo dute Arratzainen, 11:30ean hasita. Bi bide daude izena emateko: fgf@escuelaentrenadores.com helbide elektronikora mezua idatziz edo 747 426 823 (Josu) telefono zenbakira deituz.