Jada erabakita dago Trinketeko Lehen Mailako Binakako Txapelketako finala. Maiz-Sanchez eta Echeverria-Ducassou bikoteek jokatuko dute. Azken hauek Larralde-Iphar menderatu zituzten Pauen: 40-8. Maizek eta Sanchezek, berriz, 40-21 irabazi zuten Ospital-Etchegoin bikotearen aurka, Angelun. Historian lehen aldia izango da Hego Euskal Herriko pilotari batek, eta aldi berean Hego Euskal Herriko bikote batek, binakako finala jokatuko duena.
Joko ia perfektua egin zuten partida osoan zehar billabonatarrak eta nafarrak, huts gutxi eginez eta hasieratik erritmo altua ezarriz. Ospitalek eta Etchegoinek ahal izan zutena egin zuten aurkarien erasoei erantzuteko, eta partidaren lehen zatian alde handia izan zen markagailuan: 20-6. Bigarren zatian ere, Maizek eta Sanchezek ez zien aukerarik eman eta 40-21 nagusitu ziren.
Bikote indartsua osatzen dute Etcheverriak eta Ducassouk; arestian esan bezala, finalerdietan 40-8 hartu zituzten mendean Larralde eta Iphar. Hain justu, Luis Sanchezek, Ducassouren aurka irabazi zuen aurten banakako txapelketako finala, eta iaz, biak izan ziren aurkari Munduko Txapelketako finalean; Sanchezek min hartu eta finala utzi behar izan zuen. Txapelketa berean, Maizek eta Javier Luquinek binakako finala galdu zuten Larralderen eta Ducassouren aurka. Final gogorra espero da, beraz, igandean. Jada salgai daude partida ikusteko sarrerak, esteka honetan.
Maiz-Sanchez vs Ospital-Etchegoin partidako tantoak: