Goizeko 7:00etan abiatuko dira autobusez, Olaederra kiroldegitik Urduñara. Bertatik Txarlazo (933 metro) eta Tologorri (1.073 metro) tontorretara igo ondoren, berriro Urduñara itzuliko dira. Elkartetik adierazi dutenez, ibilbideak 20 kilometroko luzera izango du, eta txangoaren iraupena sei ordu ingurukoa izango da.
Ibilaldian parte hartu nahi dutenek osteguna baino lehen eman behar dute izena, eta bi aukera dituzte horretarako: 649 717 182 telefono zenbakira deitu (20:00-22:00) edo elkartearen egoitzara bertaratu (ostegunean, 20:00etatik 22:00etara).