Amasako plazatik zuzenean Loatzoko puntara igo beharko dute lasterkariek, eta atzealdetik buelta emanez, berriz plazara jaitsi beharko dute. Antolatzaileek aurreratu dutenez, arriskurik gabeko jaitsiera da; gaineratu dutenez, lasterketa ikustera animatzen direnentzat, hamaiketakoa izango da Loatzon.
9,73 kilometroko luzera eta 600 metroko desnibel positiboa izango du probak. Lasterketan parte hartu nahi dutenek, egunean bertan eman ahal izango dute izena, Uxo-Toki elkartean, 9:00etatik aurrera, dohainik.
Lehen hiru sailkatuentzat sariak izango dira, gizonezkoetan eta emakumezkoetan. Irabazleak, 120 euro eta txapela lortuko ditu; bigarren sailkatuak, 80 euro; eta hirugarren sailkatuak, 50 euro. Ondoren, parte-hartzaile guztien artean zozketa mundiala egingo dute.