Txapelketa bikaina egiten ari dira Maiz eta Sanchez. Lehen jardunaldiko partida galdu eta gero, ondorengo laurak irabazi dituzte, ia denak nagusitasunez, gainera. Pasa den larunbatean jokatu zuten multzoen faseko bosgarren eta azken jardunaldiko partida, Darmendrail-Saint Paul bikotearen aurka, Garindaineko trinketean; 40-12 irabazi zuten Maizek eta Sanchezek.
Honako hauek izan dira txapelketan lortu dituzten emaitzak:
- 1. jardunaldia: Maiz-Sanchez 31-40 Ospital-Etchegoin.
- 2. jardunaldia: Maiz-Sanchez 40-20 Etcheverry-Lambert.
- 3. jardunaldia: Maiz-Sanchez 40-28 Héguy-Ducassou.
- 4. jardunaldia: Maiz-Sanchez 40-22 Larralde-Iphar.
- 5. jardunaldia: Maiz-Sanchez 40-12 Darmendrail-Saint Paul.
Emaitza hauei esker, multzoko lider amaitu dute Maizek eta Sanchezek, eta apirilaren 21ean jokatuko dute finalerdia, Ospital-Guichandut bikotearen aurka, Angeluko trinketean. Beste finalerdia, Larralde-Iphar eta Etcheverria-Ducassou bikoteek jokatuko dute, egun berean, Pauen.