Ahazteko moduko partida izan zen galtzaileentzat. Partida hasieratik, Maizek eta Sanchezek erritmo bizia ezarri zuten, aldea handitzea lortuz (10-4). Larralde-Iphar bikoteak ez zuen aurkariei aurre egiteko modua aurkitzen, eta partidaren lehen zatian erabat hautsi zen neurketa (21-4). Bigarren zatian, galtzaileek aldea mantentzea lortu zuten behintzat, 40-22ko markagailuarekin amaitzeko.
Lehen jardunaldian, Maizek eta Sanchezek 40-31 galdu zuten Ospital-Etchegoin bikotearen aurka, bigarren jardunaldian, berriz, 40-20 irabazi zioten Etcheverry-Lambert bikoari, eta hirugarren jardunaldian, 40-28 irabazi zioten Héguy-Ducassou bikoari. Asteburu honetan jokatuko da bosgarren jardunaldia, eta Maizek eta Sanchezek bihar, larunbata, jokatuko dute, Garindainen, Darmendrail-Saint Paul bikotearen aurka; 16:00etan hasiko den jaialdiko bigarren partida izango da.
Biharkoa, multzoen faseko azken jardunaldia izango da, eta une honetan, A multzoko lider dira Maiz eta Sanchez, Echeverria-Ducassou bikotearekin batera.
Ikusi hemen osorik azken jardunaldiko partida: Maiz-Sanchez vs. Larralde-Iphar.