Bi ikastaro izango dira. Batetik, 2011 eta 2016 urteen artean jaiotako haurrentzat, Euskal Pilota Kanpusa antolatu dute. Teknifikazioa, eskulanak, pilota jolasak, pilota era ezberdinak, natura edota elikadura osasuntsua landuko dituzte, besteak beste. Matrikulazioaren kostua 130 eurokoa da (Behar Zanako pilotarientzat, 110 eurokoa). Bestetik, 2007 eta 2012 urteen artean jaiotakoentzat, Esku Pilota Kanpusa (teknifikazioa) antolatu dute. Hauen kasuan, gau bat pasatzeko irteera bat ere egingo dute. Campus honen kasuan, prezioa 210 eurokoa da (180 euro Behar Zanako pilotarientzat).
Azken urrteetan bezala, Euskal Pilota sustatzeko bailarako eta inguruko pilotari guztiei zabalduta dago ikastaroa. Jada zabalik dago izen-emate epea, eta hilaren 31 izango da horretarako azken eguna. Izen ematea eskainiko diren plazak baino handiagoa bada, Behar Zana Pilota Elkarteko pilotariek eta 2022an campusean parte hartu zuten gaztetxoek lehentasuna izango dute.