Ostiralean, Villabonan jokatutako Gipuzkoako Ezker Hormako Joko Garbiko Txapelketetako finaletan, alebin mailan, Xuban Arrola eta Oier Dieguez bikoteak 40-33 galdu zuen Zubietako Arrizabalaga-Linder bikotearen aurka.
Gipuzkoako Trinkete Txapelketako finalak ere jokatu ziren, Irurako Ametsa Trinketean. Kadete mailan, Inhar Iparragirre txapeldun izan zen, Mundarroko Zabalaren aurka 30-18 irabazi ondoren.
Larunbatean, Zizurko (Nafarroa) Lau eta Erdiko Txapelketan, 2010. urteko infantilen mailan, Xuhar Iparragirre txapeldunorde izan zen. 11-4 irabazten joan ondoren, 13-16 galdu zuen Lapke taldeko Jurgi Landaren aurka, partida borrokatu bat jokatuta.
Igandean, Lizarrako (Nafarroa) Lau eta Erdiko Txapelketan, Adur Otaegi txapeldunorde izan zen. 18-10 galdu zuen finala Hernaniko Ekhi Oses pilotariaren aurka.
Azkenik, Eneko Maizek, Maila Goreneko Binakako Txapelketako lehen partida jokatu zuen asteburuan. Sanchezekin bikotea osatuz, 40-31 galdu zuten Ospital-Etchegoin bikotearen aurka.