Repsoletik jakinarazi dutenez, Araba, Bizkaia eta Gipuzkoan guztira 68 jatetxe daude Repsol gidan: zortzik hiru Eguzki dituzte, 19k bi eta 41ek bakarra. Bi Eguzki dituzten 19 jatetxeen artean dago Hika txakolindegia.
Roberto Ruiz sukaldariak gidatzen du Villabonako Hika eta bi Eguzki sariak hurbileko produktuaren alde egindako apustuagatik lortu dituela esan dute. Ruiz Tolosako Fronton jatetxean egin zuen bezala«orain, Hikan, suaz eta egur-sukaldeez baliatzen da elaborazio errazak, laburrak, oinarri tradizionalekoak eta denboraldiko profil nabarmenekoak eskaintzeko».