Fleming herri eskolak azoka pedagogikoa antolatu du larunbatean Villabonako Malkar plazan. Azokaren helburua, eskolako egunerokotasunean egiten dutena plazaratzea izango dela aipatu dute eskolako arduradunek, "eta familiei zein herriari erakustea".
Eskolan egunero erabiltzen dituzten proiektuak eta materialak aurkeztuko dituzte bost guneetan: Haur Hezkuntzako metodologia aktiboa, matematika manipulatiboa, hizkuntza, STEAM-robotika eta xakea. Hauez gain, bertan izango dituzte guraso elkarteko kidak, besteak beste, eskolaz kanpoko ekintzen berri emango dute. Horrekin batera, Ekotaloko lagunek talo tailerra egingo dute.
Larunbatean, otsailak 11, 11:30ean hasiko da azoka pedagogikoa Malkar plazan eta euriarekin Berdura plazara aldatuko dute.