Villabonako Kale Berriko ur hoditeria aldatzeko lanek Donostiarako noranzkoan doazen autobus geltokietan eragina izan dute. Obrak hasi zirenean geltoki bakarra ezarri behar izan zuten Villabonan, Kale Berria 10-12 zenbakien parean, hain zuzen ere. Honek herriko zenbait autobus erabiltzaileren artean haserrea eta ezinegona sortu zuen, geltokiraino iristeko oinez distantzia handia egin behar zutelako.
Gauzak horrela, Amasa-Villabonako Udala Gipuzkoako Foru Aldundiko Mugikortasun sailarekin eta Lurraldebusekin harremanetan jarri zen herritarren kexei erantzun bat emateko eta egoerari irtenbide bat topatzeko.
Udalaren eskaerari erantzunez, Villabona erdialdean autobus geltoki berri bat jarriko dute. Bihar (otsailak 8) goizean hasita, Donostiarako noranzkoan doazen autobusak hartzeko behin behineko geltoki berria Gaztelekuaren eta Subijana etxearen arteko espaloian egongo da.
Asteazkenetik aurrera, beraz, bi geltokitan geratuko dira Donostiarako noranzkoan doazen autobusak: orain arte bezala, Kale Berriko 10-12 zenbakien parean, eta Gaztelekuaren eta Subijana etxeen arteko espaloian.
Geltoki hauek behin-behinekoak direla gogorarazi dute. Kale Berriko obrak amaitzen direnean, ohiko autobus geltokiak erabilgarri egongo dira berriro.