Aitziber Ugalde eta Beatriz Unzue, Gipuzkoako Binakako Bola Txapelketako irabazle

Tolosaldeko Ataria 2023ko ots. 4a, 18:56
Argazkia: Goierriko Hitza.

Billabonatarrek Zeraingo Liztormendi bolatokian jokatu den finala irabazi dute; emakumezkoetan lau bikote lehiatu dira eta Ugalde eta Unzue izan dira onenak.

Gaur goizean, 10:00etatik aurrera jokatu da Zeraingo Liztormendi bolatokian Gipuzkoako Binakako Bola Txapelketaren finala. Gizonezkoetan, 10 bikote lehiatu dira finaleko lehenengo fasean. Azken fasera pasa direnak, ordea, Pedro Agirre-Jon Orikain, Mikel Arroyo-Joxe Mari Etxebeste, Unai Lasa-Joxean Lasa eta Egoitz Berasategi-Jokin Izagirre izan dira, eta azkenean Etxebeste-Arroyo bikotea gailendu da. 

Emakumeetan, berriz, lau bikote lehiatu dira, eta bi pasa dira finalera: Aitziber Ugalde-Beatriz Unzue eta Miren Makatzaga-Garbiñe Alustiza. Aitziber Ugalde eta Beatriz Unzue izan dira txapeldunak.

Sailkapena:

Gizonak

  1. Mikel Arroyo eta Joxe Mari Etxebeste (Astigarraga-Hernani)
  2. Egoitz Berasategi eta Jokin Izagirre (Segura)
  3. Pedro Agirre eta Jon Orikain (Legazpi)
  4. Unai Lasa eta Joxean Lasa (Lasarte)

Emakumeak

  1. Aitziber Ugalde eta Beatriz Unzue (Amasa-Villabona)
  2. Miren Makatzaga eta Garbiñe Alustiza (Zerain)

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!