Atzo jokatu zituzten finalerdiak Villabonako frontoian. Lehen neurketan, Landa-Urruzola (Zugarralde-Pagazpe) eta Azketa-Bergera (Tartaloetxe-Irurtzun) aritu ziren nor baino nor. Urruzolak Elizegi ordezkatu zuen, osasun arazoengatik. Kolore urdina izan zuen partidak, nagusitaun handiz irabazi baitzuten Azketak eta Bergerak. Lehen tantoetan parekatua izan zen partida, baina binako berdinketaren ondoren, gehiago izan ziren urdinak. Bergerak pilota gehienak gozatu zituen, eta Urruzolak akats dezente egin zituen. Aurreko koadroetan Azketak ere Landak baino hobeto aprobetxatu zituen bere aukerak. 4-11 eta 6-18 aurretik joan ondoren, 7-22 irabazi zuten.
Bigarrengo partidan, lehengo lepotik burua. Hemen ere urdinek aise irabazi zuten. Espinalek eta Garmendiak (Huarte-Lapke) markagailu berarekin irabazi zieten Muruari eta Alduntzini (Soraluze-Zugarralde). Irabazleak askoz gehiago izan ziren, eta galtzaileek ez zuten zorte handia izan: 6 pilota jo zituzten txapan.