Horretarako, herriko hainbat eragile feminista, LGTBI+ eragile eta norbanako ezberdinekin biltzea da helburua, Villabonako argazki ahalik eta egokituena egin ahal izateko. «Horregatik, zure burua LGTBI+ kolektiboaren barruan identifikatzen baduzu, edo inor ezagutzen baduzu, elkarrizketa bat egitea proposatu nahi dizuegu. Elkarrizketa oso arina izango da, eta denbora handia ere ez dizugu lapurtuko, ordu erdi inguru gutxi gorabehera. Asko eskertuko genuke zuekin biltzeko aukera izango bagenu», adierazi dute kooperatibako kideek. Edozein zalantza izanez gero, 648 075 997 telefono zenbakira idatzi edo deitzeko eskatu dute.