Etxerat elkarteak jakinarazi duenez, Euskal Herriko espetxe batean dago jada Iñigo Guridi euskal preso billabonatarra, zehazki, Martuteneko espetxera ekarri dute. Euskal Herritik 370 kilometrora dagoen Mansilla de las Mulastik ekarri dute Donostiako espetxera.
Iñigo Zapirain euskal presoa ere, Martutenera ekarri dute eta Asier Badiola, berriz, Zaballara. Atzo Nazioarteko Giza Eskubideen Eguna izanik Etxeratek giza kate bat egin zuen Gasteizen. Han egindako agerraldian esan zuten ez dutela atzera begiratuko, eta gizarteari aurrera begiratzera deitu zioten, euskal presoei ezartzen zaien «blokeo zentzugabe hori desblokeatzea lortzeko».