Amasa-Villabonako Udalak herria balioen eremu hezitzaile moduan sustatu nahi du. Herriko ikastetxe, hezkuntza ez formaleko eragile eta herrigintzako elkarteekin batera, udala bera hezkuntza eragilea dela pentsatzen du eta horregatik Amasa-Villabona Herri Hezitzailea topaketa antolatu du azaroaren 28rako Subijana etxean, 17:30etik aurrera. Oinherri elkartearekin elkarlanean antolatu du topaketa.
"Hezkuntza, familiatik eta eskolatik harago luzatzen da, ez da haurtzaroan hasi eta haurtzaroan bukatzen den prozesua", aipatu dute udal ordezkariek. Beraz, Amasa-Villabonako herria eremu hezitzaile moduan garatzen hasteko eta elkarlan horizontalak eraikitzeko antolatu dute topaketa. Herriko haur, nerabe eta gazteekin lan egiten duten eragileen topaketa izango dela ziurtatu dute udaletik. "Guztion arteko elkarlana sustatu eta elkarbizitzarako bideak eraikitzeko helburua egitasmo honek".