Euskal eskola publikoaren egoerarekin «kezkatuta» daudela adierazi du Miren Gorrotxategi Elkarrekin Podemos-IU alderdi politikoko legebiltzarkideak. Eguerdian, Amasa-Villabonako Fleming Herri Eskolan izan dira eta bertako zuzendaritzarekin hitz egin dute. «Arau berriei buruz aritu gara, sortzen dituen zalantzez». Lehenago, Orioko Zaragueta Herri Eskola bisitatu dute.
Herri eskolako zuzendaritza eskola publikoaren alde «lan handia» egiten ari dela nabarmendu du Gorrotxategik. «Beraz, bada ordua administrazioak, botere publikoak, horri erantzuna eta behar duen garrantzia emateko».