Giro ederrean agurtu dituzte festak Amasan. Ohikoa denez, Martina Sorgina agurtu aurretik herri kirol proba izaten dute amasarrek. Eta halaxe egin dute aurtengoan ere. Helduak gazteen aurka eta gazteak helduen aurka aritu dira lehian. Proben artean trontza, lokotxak, ingudea, txingak eta korrika izan dituzte. Lau talde izan dira guztira, eta lehia estua izan bada ere, bietan helduek irabazi dute.
Ondoren, Martina Sorginari agurra eman diote, eta horrekin batera, datorren urtera arte agurtu dituzte festak.