Bestetik, azken bi urteetan, Aranzadi Zientzia Elkarteak ikerketa bat burutu du Amasa-Villabonako oroimen historikoa (1936-1975) eta gertukoa (1960. urtetik gaur egunera arte) berreskuratzeko. Ikerketa honi esker, Amasa-Villabonan gertatutakoaren ezaguera orokorra eskuratu du udalak, egondako indarkeria guztiarena eta biktima guztiena. Gauzak horrela, Aranzadi Zientzia Elkarteak Amasa-Villabonan izandako giza eskubideen urraketei buruzko ikerketaren emaitzak aurkeztuko dituzte bihar, Gurea antzokiko erakusketa gelan, 19:00etan.
Azaroaren 10ean ospatuko da Memoriaren Nazioarteko Eguna. Hori dela eta, Amasa-Villabonako Udaleko Memoria eta Bizikidetza Batzordeak zenbait ekimen antolatu ditu; tartean da biharko aurkezpena.
Egitaraua
- Urriak 26, asteazkena
- 19:00. Aranzadi Zientzia Elkarteak Amasa-Villabonan egindako giza eskubideen urraketei buruzko ikerketaren emaitzaren aurkezpena (1936- gaur egun arte), Gurea antzokiko erakusketa gelan.
- Urriak 26 - azaroak 10
- Lasarte-Oriako Herritarren Foroaren Bizikidetzarako memoria, memoria para convivir erakusketaren irekiera eta aurkezpena.
- Azaroak 7, astelehena
- 10:30. Gure historiako pasarteak (1990-2018) argazki emanaldia, Gurea antzokian. Ikastetxeekin batera, Ander Gillenearen eskutik.
- Azaroak 21, astelehena
- 19:00. Glencree 10 urte: Mendi handi baten igoera solasaldia. Partaideak: Edurne Brouard Aldamiz eta Fernando Garrido Velasco.