Festarako gogoarekin jarraitzen dute billabonatarrak, eta gaur mozorroekin atera dira kalera. Herriko Onddo Gazte Asanbladak antolatu du gaurkoan mozorro eguna, eta goizetik izan da zer ospatu bertan. Trikipotearekin hasi dute goiza, eta herria girotuz tabernaz taberna joan dira. Ondoren, bazkaria egin dute Berdura plazan, eta bingoan jolasteko tartea ere izan dute bertan. Arratsaldeko 18:00etatik aurrera berriz, festa giroan sartzen hasiko dira djarekin batera. Eguna amaitzeko, mozorro onenari saria banatuko diote.