Ostiralean hasi zen Euskal Herriko VI. Bote Luze Txapelketa eskualdeko hiru pilotarirentzat. Behar Zana Pilota Elkarteko Iñaki Lizasok, Xabi Urbietak eta Jon Urbietak Gipuzkoako selekzioarekin jokatu dituzte partidak. Urbieta anaiek, Gipuzkoa 2 taldearekin jokatu zuen ostiralean, Oiartzungo Beko Plazan, Iparralde 4 taldearen aurka. 9 eta 1 nagusitu ziren gipuzkoarrak. Lizasok, Gipuzkoa 1 taldearekin jokatu zuten larunbatean, leku berean. Kasu honetan, Iparralde 3 taldearen aurka jokatu zuten gipuzkoarrek, eta bezperako markagailu berarekin irabazi zuten.
Iparraldeko lau taldek eta Hego Euskal Herriko beste lauk parte hartuko dute aurtengo txapelketan. Iparralde 1 (Senpere eta inguruko herrietako pilotariez osatua), Iparralde 2 (Amikuze inguruko pilotariak), Iparralde 3 (Senpereko pilotariak) eta Iparralde 4 (itsasuarrak) dira Ipar Euskal Herriko taldeak. Hego Euskal Herrikoak, berriz, Gipuzkoa 1, Gipuzkoa 2, Bizkaia eta Araba. Baliteke aurrerago Aitor Ormazabal Behar Zana elkarteko pilotari billabonatarrak ere Gipuzkoako selekzioetako batekin partidaren bat jokatzea.