Inbertsio berri hau ere, udal gobernuaren eta Fleming herri eskolako zuzendaritzaren artean adostutakoa da eta Arroako eskolako eraikinaren egoera hobetzea du helburu. Margoketa lanak bi astetan burutzea aurreikusten dute, eta ondorioz, abuztu amaierarako amaituta egongo lirateke. Horrela, eraikinaren kanpoaldea margotu berria izanik hasiko dute 2022-23 ikasturte berria.
Udalak, Amasa-Villabonako SANZ Margoak enpresa kontratatu du margoketa lan hauek gauzatzeko, eta guztira, 16.837,15 euroko inbertsioa egitea aurreikusten du. "Eskola publikoen azpiegiturak hobetzeko Eusko Jaurlaritzak eskaintzen duen Udalaguntza izeneko dirulaguntza lortu dugu, eta beraz, kostuaren %60 (10.102,29 euro) Jaurlaritzak finantzatuko du", azpimarratu du udalak.
