"Guk urtero bezala Remi Gogoan ekimenetik omenaldia egiteko asmoa geneukan, baina baldintza hauetan aurrera egitea ezinezkoa egiten zaigu. Badakigu Remik berak ulertuko lukeela. Beragatik balitz, jaiak honezkero bukatuta zeudekeen", jakinarazi du Remi Gogoan ekimenekoek.
Hamahiru urte bete dira Remi Ayestaran billabonatarra hil zela, eta Remi Gogoan ekimeneko kideek urteroko ekitaldia egiteko hitzordua zuten gaur bere omenez. Azken egunotako eraso matxistak direla eta, festak ez ezik, ekimena ere bertan behera uztea erabaki dute.
"Familiarentzat urte eta batez ere azken egun gogorrak ari dira izaten, eta gaur omenaldia egin ez arren, beti izango gaituzte alboan. Besarkada estu bat etxeko guztientzat", esan dute.