Villabonako jaiak 2022

Luixa-Ayerza palaz eta Elizalde-Urruzola eskuz, aurtengo Santiotako txapeldunak

Paleta gomaz binaka eta nagusien mailan eskuz Santio txapelketaren binakako finalak jokatu ziren ostegun arratsaldean.

Ostegunean Behar Zana elkartearen eskutik udal pilotalekuan jokatu ziren paleta goma irekiko, eta nagusi mailako eskuz binakako Santio txapelketen finalak.

Hauek izan ziren emaitzak:

  • Paleta goma binaka
    • Luixa-Ayerza (Behar Zana) 25
    • Lizaso-Arrieta (Orio-Aia) 13
  • Eskuz binaka nagusiak:
    • Elizalde-Urruzola (Zugarralde-Pagazpe) 22
    • Etxezarreta-Aranguren (Eple) 13

Eskuzko irabazleek eguberrietan jokatuko den X. Antton Pebet Oroimenezko elite txapelketan jokatzeko zuzeneko txartela irabazi dute.

Errebote partida

Uztailaren 31n bukatuko dira Villabonako Santio jaiak eta ekitaldietako batek Behar Zana elkartearen 75. urteurrenarekin egin du bat. Urtero bezala errebote partida klasikoa jokatuko dute Lapurdiko Hazparne eta Amasa-Villabonako pilotarien artean 11:30etik aurrera. 93. aldiz jokatu dute partida hori, eta aurtengoan Behar Zana elkartearen ospakizun ekitaldietako azkena izango da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!