Uztailaren 31n bukatuko dira Villabonako Santio jaiak eta ekitaldietako batek Behar Zana elkartearen 75. urteurrenarekin egin du bat. Urtero bezala errebote partida klasikoa jokatuko dute Lapurdiko Hazparne eta Amasa-Villabonako pilotarien artean 11:30etik aurrera. 93. aldiz jokatu dute partida hori, eta aurtengoan Behar Zana elkartearen ospakizun ekitaldietako azkena izango da.
Tradizio luzea duen partida, hainbeste urtez jarraian jokatu den beste neurketa bat nekez izango baita pilotaren munduan.