Villabona festetan murgilduta dagoen honetan, kirol lehiak ez du etenik. Atzokoan, uztailaren 24an, esaterako,Behar Zana pilota elkarteak antolatutako bi lehiaketen finalak ospatu ziren: frontenis eta eskuz binakakoa, Villabonako Santio jaien barruan.Lehena, frontenisean banaka, Mikel Otañok 22-21eko emaitzaz irabazi zuen Aratz Luixaren aurka. Partida borrokatua izan zen.Hare borrokatuagoa izan zen eskuzkoa. Ia bi orduko finala jokatu zuten eta 22-16ko emaitzaz irabazi zuten Mujika-Esnaola bikoteak Otegi-Artolaren aurka.
Hurrengo finalakDatozen finalak uztailak 28an jokatuko dira Bear Zana pilotalekuan 18:00etan hasita.Paleta gomaz binaka Luixa-Ayerzak Salegi-Arrietaren aurka jokatuko dute eta afizionatutan eskuz binaka Etxezarreta-Aranguren bikoteak Elizalde-Urruzolaren aurka jokatuko dute.Partida honetako irabazleek gabonetan jokatuko den X.Antton Pebet Oroimenezko Elite txapelketan jokatzeko zuzeneko txartela irabaziko dute.
Villabonako jaiak 2022
Otaño eta Mujika-Esnaola Santiotako txapeldunak
Mikel Otaño txapeldun izan da Behar Zana elkarteak antolatutako frontenis txapelketan eta Mujika-Esnaola gailendu dira elkarte beraren Eskuz Binakako Txapelketa Herrikoian.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!