Uztailaren 23an, larunbatean, Villabonako erdigunea trafikorentzat itxita egongo da 08:15etik 09:10era eta 10:10etik 14:30era, Trikuharri mendi lasterketa izango baita.
Lasterketa hau Kale Nagusian hasi eta amaituko bada ere, Kale Berritik ere igaroko da. Honek, trafikoan eragingo du, eta Kale Berria 43. zenbakitik elizaraino errepidea itxita egongo da aipatutako ordutegian. Kale Nagusia eta Aldude kalea ere itxita egongo dira, eta Salbadorako garajeetan ezingo da sartu-irteerarik egin 08:15etik0 09:10era eta 10:10etik 14:30era.
Udalak barkamena eskatu nahi du aldez aurretik sortu daitezkeen eragozpenengatik.