Amasa-Villabonako errepideetako mantenu lanekin jarraituz, egoera txarrean dauden herriko hainbat errepide zati konpondu eta asfaltatuko ditu udalak datozen bi asteetan zehar. Asfaltatze lan hauek trafikoa guztiz etengo ez badute ere, lanak egiten ari diren errepide zatietan tentuz gidatzeko, ezarrita dagoen seinalizazioa errespetatzeko eta bertako langileen jarraibideak errespetatzeko eskatu du Amasa-Villabonako Udalak.
Aste honetan hasi dituzte lanak Kale Berrian eta Osasun etxearen parean. Pixkanaka Altzin kalera pasako dira langileak eta iturriaren pareko errepide tartea ere konponduko dute. Datorren astean, aldiz, Otsabitik Komizarrerako errepidean (Arbe enpresa eta Pasus baserrira joateko bidegurutzearen artean) dauden zuloak konponduko dituzte.
Lan hauek Construcciones y Asfaltos Mularri S.L. enpresak gauzatuko ditu, eta udalak guztira 21.297 euro bideratu ditu herriko errepide kaltetuen hobekuntzara.