Amasa-Villabonako Udaleko Kultura sailak, urtero moduan, 2022 urteko Santio jaien egitarauko azala aukeratzeko lehiaketa jarri zuen martxan maiatzaren 27tik ekainaren 8ra. Epe horretan, guztira, 15 lan aurkeztu ziren, eta jai batzordeak aukera guztiak baloratu ondoren, lehiaketak badu irabazlea.
Aurtengo Santio jaien egitarauaren berri emango duen portadaren egilea Natxo Iglesias Gonzalez billabonatarra izango da, eta 400 euroko diru saria jasoko du.