2010 eta 2014 artean jaiotako neska-mutilek futbolaz gozatzeko aukera izango dute ekaina eta uztailean zehar, Billabona F.K.E.-k antolatutako udako futbol kanpusean.
Astelehenetik ostiralera, 09:00-13:00 ordutegian, Arratzain futbol zelaian elkartuko dira izena ematen duten haur eta gaztetxoak, eta zenbait ekintzetarako inguruko txoko desberdinetara ere mugituko dira.
Billabonako futbol elkarteak bi txandatan banatuko du aurtengo udako futbol kanpusa:
- Ekainak 27 – uztailak 1: 45 euro (klubeko futbol eskolako jokalarientzat 40 euro)
- Uztailak 11-22: 90 euro (klubeko futbol eskolako jokalarientzat 80 euro)
Prezioaren sartzen da kanpuseko kamiseta teknikoa, eguneroko hamaiketakoa, entrenamendu eta teknifikazio saioak, eta jarduera ludikoak.
Izena eman nahi dutenek inprimaki digitala bete beharko dute maiatzaren 13a baino lehen, eta ordainketa ere egin beharko dute, maiatzaren 28a baino lehen.